لو عمرك سألت نفسك : ليه الإعلان يوم يشتغل ويوم لا وفجأة الكوست يطير مع ان ما غيرتش أي حاجة؟
أحب أقولك المشكلة مش في الميزانية المشكلة إنك مكمل على Performance غير ثابت
وده معناه إن مفيش Optimization
والبوست ده من كومنت صديق لينا طلب نتكلم عن الـ optimize و الـ Scaling
1) الأول: ليه بنعمل Optimization أصلاً؟
الـ Scaling مش إنك تزود ميزانية ود
الـ Scaling = تكبر نتائج كويسة مستقرة
فـ قبل ما نسأل أزود كام؟
نسأل : هل اللي عندي يستحق يتكبر أصلاً؟
لو الكامبين unstable → كل جنيه زيادة = خسارة أسرع
2) وهنا نقولي أمتي نبدأ Optimization
بعد ما يكون عندك داتا كافية للحكم مش بعد أول يوم
ومش قبل ما يظهر intent
الحد الأدنى :
3000 Impression للإعلان
50–100 Click
على الأقل 1–3 Add to Cart
حتى لو مفيش Purchase لسه
من غير داتا → أي تعديل = Guess وده بيحصل كتير نعدل عشان حاسين المشكلة هنا
إحنا مينفعش نخمن
3) إزاي نحدد المشكلة ؟ (Diagnosis قبل Action)
الـ Funnel في الإعلانات مش لغز هو ببساطة رحلة واضحة
Ad → Click → Landing Page → Add to Cart → Checkout → Purchase
إحنا مش بنعدل وخلاص
إحنا بنشوف المرحلة اللي حصل عندها الوقف ونصلحها بس
وده بيكون عن طريق Benchmarks واقعية في السوق المصري (خصوصا الفاشون / AOV متوسط) :
لو الـ Outbound CTR أقل من 1.5%
ده معناه إن الـ Creative مش ملامس الإحساس أو الرسالة مش واضحة
يعني المنتج مفهوم بس مش مقنع يخليك تأخد اكشن
لو الـ CTR كويس لكن الـ CPC عالي (أعلى من 1.5 – 4.5 جنيه)
ده معناه إن فيسبوك مش شايف اهتمام قوي → غالبًا الـ Hook ضعيف
الناس فاهمة الإعلان بس مش شايفة ضرورة دلوقتي
لو الناس بتدخل الصفحة لكن Add to Cart أقل من 6% – 10%
هنا المشكلة في الـ Landing Page نفسها
الصور ، المقاسات ، إحساس المنتج مش بيقول ده معمول ليك
لو في Add to Cart كتير لكن Purchase قليل (CVR أقل من 25% – 45%)
ده معناه إن الثقة ناقصة
العميل اتشجع لكن اتخض وقت الدفع
الخلاصة اللي نبني عليها أي Optimization:
* CTR قليل → أصلح الإعلان
* CTR كويس و ATC قليل → أصلح الصفحة
* ATC كويس و Purchase قليل → أزود الثقة
مفيش تعديل قبل ما نعرف فين بالظبط المشكلة حصلت
ودي كلها المفروض تكون بديهيات عادي بس مش حاجه تعيبك لو مدوستش ب أيدك شويه و الكلام ده مش ثابت طبعاً ، انت بتكون مُلم بالأرقام مع بعض عشان تقدر توصل للمشكلة فين تقريباً
4) خطوات الـ Optimization
لما الأداء يبدأ يقع ، إحنا ما بنخمنش بنحدد المشكلة فين بالظبط وبنحلها من أصلها
تعالى نقسم الموضوع لـ 3 سيناريوهات :
– لو المشكلة في الإعلان نفسه (CTR قليل)
أول 3 ثواني هما كل حاجة
الانطباع الأول
عشان CTR يعلى :
استخدم Hookبيكلم مشهد واقعي من حياة العميل مثال
مثال : بدل ما تقول بنطلون واسع ومريح
قول : عارف الإحساس لما اللبس يضيق عليك بعد الغسيل؟ هنا العكس تماما
اعتمد على صور وفيديوهات ناس حقيقية لابسة المنتج مش موديل بعيد عن الواقع
Voiceover بسيط من موبايلك بصوت طبيعي ده بيحسّس الناس إن الإعلان معمول ليهم
اعلان شبه الناس او بيلعب علي الـ need بتاعهم وفيه مليون طريقة للهوكس = CTR أعلى → CPC أقل → تكلفة ثابتة ومريحة
– لو المشكلة إن الناس بتدخل الصفحة ومش بتكمل (Weak Landing Page Conversion)
ده معناه إن العميل اتحمس لكنه مفهمش المنتج كويس أو معرفش يتخيل نفسه لابسه
هنا بنشتغل على الـ Landing Page Logic :
1. أول 3 صور لازم توضح شكل اللبس على الجسم + الخامة بوضوح
2. Guide مقاسات واضح جدًا وبسيط
3. Reviews بصور حقيقية مش كوميكس نجوم والسلام
4. الكلام (Copy) يبني إحساس مش مواصفات
بدل ما نقول :
خامة قطن
نقول :
بخامة قطن متوبرش لو بعد 100 غسلة
العميل مش بيشتري قماش هو بيشتري نتيجته واحساسه وشكله ف انت مهمتك تهيأ دماغه ل ده
– لو المشكلة في الثقة أثناء الدفع (Drop at Checkout)
العميل هنا مقتنع بس خايف
فبنشتغل على الطمأنينة بقي ( هتعمل دكتور نفساني )
:
CTA للواتساب واضح للناس اللي عايزة تسأل
Cash on Delivery مكتوبة بشكل صريح مش مستخبية
سياسة استبدال/استرجاع مختصرة وواضحة مش مدفونة في الـ footer
رقم خدمة عملاء ظاهر جدًا في الصفحة
كل ما تخلي الإحساس أنا مش هتغش حقيقي
Conversion Rate بيعلى فورًا
Optimization مش شطارة Ads بس
ده شغل إعلان + صفحة + ثقة كل واحد فيهم مكمل للتاني
وتغيير صغير في نقطة واحدة منهم ممكن يقلب النتائج 180 درجة
– إزاي نعرف إن الأداء بقى ثابت ومستعد يتكبر؟
لازم الـ 3 شروط دول يتحققوا لمدة 72 ساعة متواصلة :
عنصر الحد الأدنى
CPA ثابت ± 10%
CTR > 1.5% & CPC ≤ 4.5 EGP
Conversion Rate ≥ 1.5%
لو تحققوا → الكامبين Stable
ساعتها نروح للـ Scaling
وده اللي هنكمله في البوست الجاي
لو وصلت لهنا فشكراً ليك واتمني كون فيه استفاده حتي لو بسيطه
