عايز اعمل Scaling بقي واصرف فلوس كتير ونجيب مبيعات اكتر بس مش عارف ازاي ؟
اتكلمنا في البوست اللي فات عن الـ optimize وازاي نبص علي ارقامنا ونعدل عشان نبقي جاهزين ان احنا نعمل scaling
بس قبل ما تصرف فلوس لازم تفهم الكام نقطه اللي تحت دول ركز معايا وسمي الله
1- الـ Mindset قبل ما تلمس اي حاجه
ما تزودش الميزانية عشان يومين أرقام مبشرة استنى استقرار حقيقي : 3 – 5 أيام على الأقل ، CPA ثابت ، CTR كويس ، ROAS منطقي الهدف مش مجرد إنك تزود , الهدف إنك تزود من غير ما تكسر الـ Learning Phase ولا تضيع الداتا وده اتكلمنا فيه بالتفصيل البوست اللي فات
تاني حاجه بقي لازم تبقي عارفها ايه هي أنواع الـ Scaling و امتي تستخدم كل واحد
Vertical تزود على نفس الـ Ad Set تدريجيًا (20–30% كل 24–48 ساعة) لو الأرقام ثابتة اكيد سمعتها كتير
Horizontal: تفتح Ad Set جديدة بنفس الـ Winner أو بزوايا مختلفة مفيد لو عندك creatives كتير
Account-level (spin-off accounts): افتح حساب لو هتلعب بـ bidding أو هتزود spend كبير يقلل خطر ان الحساب الرئيسي يضرب في وشك
Bidding scaling: تغير الاستراتيجية (auto → target cost → manual) أو تشغل حساب مخصص له علشان تعود الحساب على spend أسرع , لان في الطبيعي لو الاكونت اللي شغال عليه معوده علي طريقه معينه وقلبت انك تـ Bid عليه مش هيصرف غير بعد كام يوم لانه بتطلع عين السيستم عشان يجيبلك النتيجه اللي انت عايزها
تالت حاجه دي Structure بشتغل بيها وقت الـ Scaling وجابت معايا لو حابب تجربها
طريقتي اللي نافعه معايا انا و الاكونتات اللي شغال عليها ABO: كل Campaign لمنتج
ان انا بشتغل كامبين ABO متقسمة ل Adsets كل Adset بـ Angle معينة والـ Ads شغاله flexible
مثال : ABO لمنتج وليكن انه جاكيت
Broad Adset Modeling : تحتها كل الفيديوهات ال Winner Modeling وبتكون Flexible
Broad adset Product Review : وتحتها برضو الفيديوهات الـ Winner flexible
وكذلك لكل نوع من الـ Creative طلع Winner بجمعة في Adset لواحده وبشغله Flexible
رابع حاجه امتى بالضبط تبدأ تزود ؟
بعد الـ Learning Phase أو لما يكون عندك 20 – 30 purchase بنفس الـ TARGET CPA علي مدار 3 أيام مثلاً
لو CPA ثابت 3 – 5 أيام outbound link click ( CTR ) – الـ CPC و الـ CPM و الـ Cost per content voew كله ده متوازن وتمام → ابدا Vertical scaling
لما تدخل منصة جديدة TikTok مثلا خد الـ Winners من Meta وجربه كما هو بدون تغيير ودي عن تجربة ونتايجها حلوه جدا تقدر من خلالها تكسر ارقام كبيره
خامس حاجه انك تزود من غير ما تكسر الـ Algorithm
متزودش بادجيت 100% مرة واحده لو انت شغال ببادجيت صغيرة عشان بنسبة كبيره هتضرب منك وعشان كده معظم الكلام بيروح انك تزود من 20% لـ 30%
ولكن عزيزي الميديا باير لو بادجيت كبيرة وعن تجربه شغال بيها بنزود 3X واكتر عليها عادي
طريقة كمان انك تشتغل Duplicate بدل التعديل المباشر على الـ ADSET او الـ AD فيسبوك بيتعامل معاه كحالة جديدة ويقلل انك تكسر الـ learning
لو النتائج حلو ف تدخل تجرب و تنقل كله الـ Winners للـ CBO وخلي الـ AI يتبسط ويوزع براحته علي اللي نتايجه كويسه
و خلي علي جمب للـ Retargeting حوالى 10–20% من البادجت علشان تبقي في الامان وتحاول تحافظ علي نتايج كويسه
سادس حاجه وهي الـ Scaling بالـ Ad Accounts و Bidding
لو هتجرب استراتيجيات جديدة أو عايز استهلاك سريع اعمل ad account مخصوص للـ Bidding زي ما قولنا في اول البوست و ده بيساعد إن الحساب الرئيسي مايتأثرش وبتقدر تختبر اللي انت عايزه براحتك
لما تحول من Auto → Target Cost ، ابدأ بقيم قريبة من اللي بتحققها فعلاً لو عايز manual bids جربها على منتجات أو منصات صغيرة الأول
اعمل Holdout tests (7–10 أيام) تقيس Incrementalit قبل ما تنقل لتكتيك جديد على الـ main account
7إزاي تراقب أثناء الـ Scaling (24/7 checks)
ركز على:
CPA: لو طلع +15 – 20% عن الهدف بتاعك هدي البادجت بس طبعاً مش علي طول راقب باقي الارقام لان بييجي علي اخر اليوم وبينزل عادي
Frequency: لو وصل 2.5 – 3 للـ cold audience يبقى فيه fatigue
CTR / Unique Outbound CTR : لو نزل فكر في تغيير
hook/targeting وغالبا هتبقي creative عشان ده اللي بنلعب عليه من الاول
Conversion Rate (LP → Purchase): لو هبط بعد الـ Scaling يبقى المشكلة في الـ CRO أو fulfillment بنسبة كبيرة
ومننساش طبعاً عينك علي الاستوك بتاعك طول الوقت
واخيراً ملخص أخطاء شائعة لازم تتجنبها
انك تزود البادجت بدون استقرار في الـ Metrics
تعتمد على نفس الـ Creative / Angel لفترة طويلة
تخلط بين testing setup و scale setup كل واحدة ليها شغلها
تكبر بدون خطة تناسب الاكونت اللي معاك او مخزون مش مكفي ، خدمة عملاء ، شحن — ده اللي يكسر كل شغلك لو اتجاهلته وبصيت لداشبورد بس
ولو وصلت لهنا شكراً ليك واتمني اكون قدرت اوضح علي قد ما اقدر
