ازاي توصل لـ 1500 اوردر يومياً وتكسرهم باستخدام الـ AI؟

بقالي شهر ببني Full AI Media Buyer يشيل معايا الشغل من أول الـ Product Research لحد الـ Scaling ويوصل بعض الـ Product Pages لـ +10% Conversion Rate؟

بقالي تقريبًا شهر شغال على تجربة غريبة شوية 😅 كنت بحاول أوصل لحاجة: هل ينفع أبني سيستم كامل بالـ AI من أول الـ Product Research لحد الـ Scaling والـ Optimization؟

أول حاجة عملتها بنيت Skills على Claude، وهنا كل Skill ليها وظيفة واحدة بس، وده مهم جدًا. أغلب الناس بتتعامل مع الـ AI كأنه هات أي Prompt وخلاص.

الحقيقة الـ Skill لازم تتبني على طريقة شغلك، السوق، الـ Business Model، وطريقة تفكيرك. غير كده غالبًا هتلبس في الحيط 😅

أول Skill كانت Product Research. قولتله يدورلي على منتجات بالمواصفات دي:

• مش منتشرة في السوق المصري
• سهلة التصنيع بالنسبالي
• ليها Creatives كتير بره مصر
• قابلة تتباع Performance
• والسوق لسه مش saturated عليها

وطلع Products كتير، منهم Winner فعلًا. منتج تسعيره عالي نسبيًا ومش منتشر، والأهم الـ Cost فيه كان بيلف بين 10 لـ 15 جنيه 😅

دخلنا بعدها على Optimization + Scaling، واستخدمت Skill تانية مبنية إنه يكون Performance Media Buyer، وخليته يبني Structure يناسب الأكونت والسوق وطريقة شغلي.

بعدها وصلت الـ MCP وسحبنا الداتا كاملة، وهنا بدأت أحس إن دي حدوته تخوف. لأن الـ Skill أصلًا عارفة بتبص على إيه وإيه المرجعية وإزاي تحلل.

بدأ يعمل Analysis وبعدين Dashboard كاملة فيها المشاكل والتوصيات والخطوات بالتفصيل.

Kill الكامبين دي؟ حاضر. زوّد Budget هنا؟ حاضر. سيب دي في الـ Learning؟ وأنا حاضر يا فندم.

وبعدها عمل حاجة عجبتني جدًا وهي Always On Testing Structure. سيستم شغال طول الوقت بيطلع Creatives جديدة ويختبر باستمرار.

لأن Creative Fatigue بقى أسرع بكتير من زمان، فاللي معندوش Testing System مستمر غالبًا هيصحى يوم يلاقي الدنيا وقفت فجأة.

بعدها عملت Skill مخصوص يكون مطور للـ Product Page، أبعتله اللينك يرجعلي تعديلات وأماكن ضعف وتحسينات من أول الـ Header لحد الـ Footer.

ووصلنا بأكتر من Landing Page لـ 9% و 10% CR.

وده مش بسبب سحر الـ AI بس، ده بسبب إنك بقيت فاهم الـ User محتاج يشوف إيه، يحس بإيه، ويثق في إيه.

المستقبل مش AI ياخد مكان الـ Media Buyer. المستقبل إن الـ Media Buyer اللي يعرف يستخدم AI صح هياخد مكان 10 مش بيستخدموه.

ولو وصلت لهنا فشكرًا ليك ومتنساش تدعيلي دعوة حلوة 💙

إزاي تخلص ستوك في 5 أيام بدون روت؟

تعال نعيش كواليس سوا إزاي لما يجيلك Brand عنده مشكلة معينة تمشي فيها إزاي، وفيه Structure بسيطة وحلوة هتعجبك.

من فترة دخلت ميتينج مع براند عندهم منتجات حلوة فعلًا، الخامات كويسة والناس اللي اشترت قبل كده راضية.

بس فيه مشكلة واحدة عاملة أزمة: منتج سعره 250 جنيه عليه ستوك كبير، Cost الأوردر بيوصل 300 و400 جنيه، وأقصى عدد أوردرات بيعملوه 60 في اليوم.

أول حاجة عملناها؟ ما فتحناش الإعلانات. فتحنا الآلة الحاسبة.

لأن قبل ما تسأل الإعلان ليه مش شغال، اسأل هو ينفع يشتغل أصلًا؟

المشكلة كانت في الاقتصاديات مش في الـ Media Buying.

• سعر أقل من المنافسين
• Margin ضعيف جدًا
• بيع قطعة واحدة
• مفيش Bundle
• مفيش AOV يساعد يتحمل تكلفة Acquisition

رفعنا السعر بشكل منطقي يناسب الجودة والسوق، وعملنا Bundle بالألوان بحيث العميل يشتري 4 قطع بدل قطعة واحدة.

رفع الـ AOV غير قواعد اللعبة: Margin أعلى، تحمل CPA أعلى، وفتح باب Scaling منطقي.

بعد كده بصينا على السايت، وهنا كانت الصدمة. السايت كان عبارة عن معرض صور، منتجات مش في المخزون، أقسام مش حقيقية، مفيش Description، مفيش Policies، مفيش FAQ، ومفيش Reviews.

شيلنا تقريبًا 80٪ من السايت، نضفناه، قسمنا Collections على اللي متوفر فعليًا، وظبطنا Home واضح وبسيط.

في Product Page غيرنا اسم المنتج بحيث يخدم الـ Offer، وضيفنا Description واضح للمنتج والعرض، وحطينا Reviews وPolicies وSpecifications.

بعد كده دخلنا على Ads Audit، لقينا Modeling لمنتج مش محتاج Modeling، شغالين Messages وConversion مع بعض، وCampaign Objective مش مناسب.

عملنا Business Manager جديد Clean Setup، لكن استخدمنا الـ Pixel القديم لأنه كان متغذي بداتا حقيقية وConversion History كويسة.

اشتغلنا بـ Advantage+ Sales Campaign، Adset واحدة، وكل الـ Creatives تحتها، وكل Ad ليه 2 Copy و2 Headline.

النتيجة؟ Cost نزل من 300–400 إلى 50–70 جنيه.

بس الرقم ده مش أهم حاجة. الأهم إنك بدل ما تبيع قطعة، بقيت بتبيع 4. AOV أعلى، Margin أعلى، وربحية مستقرة.

الإعلان مش بداية الشغل، الإعلان آخر خطوة في سلسلة طويلة. لو السلسلة نفسها غلط الإعلان هيكبر الخسارة مش الأرباح.

ولو استفدت حاجة بسيطة متنساش تدعيلي دعوة حلوة 💙

تعال نتكلم عن إزاي تعمل أول مليون مبيعات في أول 15 يوم لبراند E-commerce جديد بكرتونته.

اتكلمنا كتير قبل كده عن ملايين المبيعات، آلاف الأوردرات، Scaling، وAccounts كبيرة، بس فيه حاجة تقريبًا متكلمناش عنها: إزاي تعمل أول مليون أصلًا؟

لأن الحقيقة أصعب مليون في أي براند هو أول مليون. بعدها بيبقى عندك Data، عملاء، Reviews، Content، Pixel متغذي، وOperation عارف هو ماشي إزاي.

أما أول مليون فأنت بتبني كل ده من الصفر.

لازم أوضح نقطة مهمة: المليون مش معناه نفس عدد الأوردرات لكل الناس.

• لو الـ AOV عندك 1000 جنيه فأنت محتاج حوالي 1000 أوردر
• لو الـ AOV عندك 5000 جنيه فأنت محتاج 200 أوردر
• لو الـ AOV عندك 10000 جنيه فأنت محتاج 100 أوردر تقريبًا

أول حاجة بنعملها؟ مش الإعلانات ولا الكرياتيف ولا الاستهداف. بنقسم المليون الأول.

مليون جنيه خلال 15 يوم يعني حوالي 66 ألف جنيه يوميًا. لو الـ AOV عندك 5000 جنيه، أنت محتاج تقريبًا 13 أوردر في اليوم.

فجأة الهدف بقى أوضح، وبقى عندك KPI حقيقي تشتغل عليه.

بعدها بنبص على Product Page، ودي أكتر حاجة بشوفها بتضيع فلوس الناس.

أنا ببص على 5 حاجات:

• هل الـ Offer واضح من أول Screen؟
• هل الصور بتبيع مش بس شكلها حلو؟
• هل فيه Trust؟ Reviews، ضمان، استبدال واسترجاع، وطرق تواصل
• هل الـ Description بيبيع؟
• هل الصفحة سريعة؟

بعدها بروح للـ Offer. لازم تسأل نفسك: ليه العميل يشتري النهارده مش بكرة؟

ممكن نستخدم Bundle، خصم كمية، هدية، شحن مجاني، ضمان أطول، حسب طبيعة المنتج.

بعدها بنطلع Angles. كل Product تقريبًا ليه أكتر من زاوية بيع: توفير فلوس، جودة، راحة، سرعة، ضمان، مقارنة بالمنافسين، Social Proof.

في الـ Ads، Structure استخدمتها مع براندات جديدة: Campaign ABO، تحتها Adset للفيديوهات، وAdset للصور، وكلهم Flexible.

لأنك في مرحلة البداية مش بتختبر فيديو، أنت بتختبر Message.

أول Optimization بعمله مش Breakdown by Age ولا Gender ولا Placement. أول Breakdown بفتحه Creative Breakdown.

لأن أهم سؤال في أول مرحلة: السوق حب إيه؟ مش أنا حبيت إيه.

بعدها نطلع Winning Angles، Winning Creatives، Winning Copies، ثم نبدأ Scaling.

الهدف مش إنك تحقق أول مليون وخلاص، الهدف إنك تبني System يجيب التاني والثالث والرابع.

وده تقريبًا نفس الـ Playbook اللي استخدمناه عشان نحقق أول مليون مبيعات لأول 15 يوم في براند إلكترونيات جديد على الـ E-commerce.

ولو استفدت معلومة واحدة متنساش تدعيلي دعوة حلوة 💙