مقالة مشطشط عن الـ Creatives واشهر الـ Format بمناسبه السؤال اللي بيتكرر انا مش لاقي افكار اطلع بيها !
أغلب الناس فاكرة إن الـ Creative = فيديو موديل لابس المنتج + music + شوية transitions
أو صورة + carousel والسلام

والحقيقة ؟
ده أضعف Format على الإطلاق والعادي بس بيطلع منه اكيد نتايج

بس الدنيا اتطورت والـ Creatives بقت علم لوحدها وكل Format ليه psychology و طريقة استخدام وهدف محدد
النهارده هفصصلك أقوى أنواع الكريتيفز اللي فعلاً بتبيع وإمتى تستخدم كل واحد وازاي تختار الـ Format على حسب المرحلة والـ Product واللي هقوله ده مش ثوابت انت خد الكلام ده وجرب لو فيه علي الاقل معلومه جديده عرفتها

1) Website Review Style – شكل صفحة المنتج في الخلفية + شخص بيشرح

ده النوع اللي ناس كتير مش واخدة بالها منه وبيكسر الدنيا لو اتعمل صح
هو إيه؟

فيديو معمول كأنك فاتح الـ Product Page في الخلفية اكنها screenshot
وشخص بيشرح المنتج، مميزاته، اللون، الخامة كأنه recommendation

ليه بيجيب Results؟
بيكسر pattern اليوزر
بيبان إنه authentic

بيدي إحساس ده نفس الموقع اللي هدخل أشتري منه
بيديك credibility أعلى 100 مرة من موديل بيعمل حركات كتير مُلفته

إمتى تستخدمه؟
لما المنتج يكون محتاج تفاصيل وتكون الـ product page معموله حلو
وبينفع برضو لما بتبيع حاجه premium وعايز Trust عالي

2) UGC مع Triggers – الصوت المؤثر + الجمله اللي بتشد العين
ده مش نوع واحد ده عالم كامل

أمثلة للـ Triggers:
صوت STOP scrolling
أصوات viral حوالين الاحتياج زي ( كنت في مره بتكلم عن سعر المنتج وبقول لما صاحبك يروح يجيبه ( المنتج ) نفسه بس بضعف التمن و كان معاها صوت محمد رمضان ( لا حول ولا قوة الا بالله اضرب كف ب كف يا حاج ) وكان viral وجاب نتايج كويسه لفتره طويله

كتابات pop-up سريعة تنقل viewer بين نقاط المنتج

ليه قوي؟
لأنه بيعلي hook rate والـ hold rate من أول ثانية

إمتى تستخدمه؟
لو جمهورك صغير في السن
منتجات fast-fashion
لو عايز attention سريع
لما تكون عايز تحرك viewer من awareness ل consideration ودي مش ثوابت يعني تقدر تجربه حتي لو اللي بتعمله ملوش علاقه باللي مكتوب ده

3) Testimonial Style – رأي حقيقي + تجربة استخدام وده كتير بيعمله بس عايزك انت تحافظ تعمله بالطريقه دي
مش أي حد يجيب حد يقول حلو جداً وخلاص لا ده ليه structure:

أفضل طريقة
قول المشكلة
قول التجربة
قول النتيجة
قول مين مناسب له

ليه بيبيع؟
لأنه أعلى نوع في الـ Trust building وبيأثر مباشرة على قرار الشراء

إمتى تستخدمه؟
لما المنتج يكون real-life
لما عندك customer base
في الـ remarketing
في منتجات Teenagers & Moms وبرضو مش ثوابت

4) Unboxing + First Impression
نووووع قوي جداً
وبيفوق أوقات على كل الأنواع وبتجربه شخصيه حاليه كمان نتايجه جميله جداً

ليه؟
لأنه بيدي viewer نفس الإحساس اللي ياخده بعد الشراء
في مخه subconsciously بيرتاح للقرار

إمتى تستخدمه؟
منتجات tangible – خامات – تفاصيل
منتجات سعرها متوسط عشان تبني إحساس القيمة مقابل السعر

5) Problem → Solution Format
ده النوع اللي بيلسع زي الشطه اللي في الصوره اللي تحت
بتبدأ الفيديو بمشكلة واقعية بتحصل لجمهورك
وبعدين تحط المنتج هو الحل

ليه مهم؟
لأنه psychologically بيحط المشاهد في حتة أيوه ده أنا الحل فين؟

إمتى تستخدمه؟
لما يكون المنتج ملوش concept واضح
لازم تبين الـ value في أول 3 ثواني
جمهور مش فاهم المنتج
وتقدر تستخدمه برا دول عادي وتلمس مشكله العميل

6) Raw TikTok Style – عفوي وبيبين إنه مش إعلان
ده النوع المفضل لما يتطبق فعلاً صح انك تبيع للعميل من غير ما يحس انك بتبيعله
مش محتاج إضاءة مش محتاج موديل محتاج حد طبيعي قاعد فاتح الكاميرا
وهتلاحظ ده في ان ناس كتير مثلا في صناعة المحتوي بتشقي علي الفيديو وييجي واحد فاتح من كاميرا نوكيا ويطلع viral عادي هي نفس الـ concept كده

ليه قوي؟
لأنه بيكسر فكرة الإعلان وبيخلي الناس تكمل للنهاية

7) Hybrid Creative – فيديو واحد جواه كل حاجة محسوبة
وده اتكلمنا عنه في بوست قبل كده في جزئيه الـ structure

Video Structure:
Hook من فيديو ناجح قديم
Value من فيديو تاني
Music من Viral Reel
Angles مختلفة
Shots ثابتة من stock
Text قوي
CTA واضح

ده بيجمع أقوى حاجات proven

إمتى تستخدمه؟
لما يكون عندك نتائج سابقة وعايز improve
لما عندك أكتر من creative ناجح

 Photo Power – الصور المهدور حقها من ناس كتير
ناس كتير فاكرة إن الصور ضعيفة
والحقيقة ؟ أقوى حملات fashion شفتها كانت بصور بس

أفضل الأنواع:
Lifestyle photos
Product on white
Carousel storytelling
Before/after (لو ينفع)

والمفاجأة: المشكلة مش إنك مبتعرفش تعمل Creative

المشكلة إنك واقف عند نوع واحد من غير ما تجرب و البوست ده بيتكتبلك في نفس الوقت شغال بجرب طريقه جديده
الـ Creatives مش Format واحد
ده علم psychology وسيناريو وتجارب واحنا بنجتهد اننا نذاكر ونعرف كل شويه عنه اكتر لان فيه ناس دي وظيفتها بس

وطول ما انت بتعيد نفس الشكل الـ results اللي عندك هتفضل هي هي

لو عايز نصيحتي
اعمل 4 أنواع مختلفة على نفس الفيديو
غير الـ hook بس خلي الباقي ثابت

اجمع أفضل 3 creatives في فيديو Hybrid

استخدم الـ Website Review format مرة على الأقل

الصور ماتستهونش بيها ابداً
اعمل 2 triggers مختلفين على نفس الفكرة

وهتشوف cost بتنزل بدون ما تعمل ولا تغيير لان تقريباً 90% من شغلنا معتمد علي الـ Creatives
لو إنت واقف في حتة مش عندي أفكار للكريتيف

فـ ده لأنك بصيت على 10% بس من اللي ممكن يتعمل
ابدأ بالأنواع اللي فوق وجرب وقيس وطور
ولو وصلت لهنا ، شكراً ليك واتمني تدعيلي دعوه حلوه